Gainean dira San Joan jaiak, eta festa giroa zabaltzen hasi da herrian, pixkanaka. Bide horretan, beste pausotxo bat gehiago emango dute bihar eta etzi, Kaxko Elkartearen eskutik. Izan ere, buruarinen tailerra antolatu du Biteri kultur etxean, bi egunetan. Horrela, festetarako buruarin bana prestatuko dute tailerrean parte hartzen duten haurrek, Buruarinak konpainiako kideen laguntzarekin.
Arratsaldeko 17:30etan hasiko da tailerra, bi egunetan. Eta parte hartu nahi dutenek, aldez aurretik eman beharko dute izena. Horretarako, zein buruarin egin nahi duten aukeratu behar dute aurrena; eta ondoren, mezua bidali whatsapp bidez, 615 789 824 telefono zenbakira.
Makina bat buruarin daude aukeran: pailazoak, piratak, deabrua, fruta ezberdinak, bikingoak, animaliak...