Urtero bezala, ikasturte osoan zehar ikasitakoa erakutsiko dute, taula gainean, Biteriko antzerkiko eta dantza garaikideko ikasleek. Gaur arratsaldean eskainiko dute emanaldia, Biteri kultur etxean, arratsaldeko 19:30etan hasita.
Inprobisazioa hartuko dute abiapuntu, eta beraiek sortutako pieza laburrak eskainiko dituzte, bertaratuen gozamenerako. Antzerkiko ikasleek eskainiko dute bere pieza, emanaldiaren aurreneko zatian; eta dantza garaikideko ikasleen piezak izango dira ikusgai, bigarrenean. Bertaratzeko gonbitea luzatu diete herritar guztiei.