San Antonio jaiek askorako eman dute aurten, makina bat ekintza izan baitira asteburuan. Larunbatean, Bola eta Toka Txapelketa antolatu zuten, eta goiz ederra izan zuten partaide guztiek. Gainera, Hernaniko Bola Txapelketa ere Ereñotzun hasi zen, eta, momentuz, Ibon Minerrek lortu du sailkapenean aurrena izatea.
Bolan, San Antonio Sari nagusia Joxe Mari Etxebesterentzat izan zen, 36 brila botata. Garbiñe Alustizak, berriz, aurreneko emakumearen saria jaso zuen 19 brilarekin.
Tokan, Antonio Amundarain eta Fermin Illarramendiren berdinketarekin, biak izan ziren txapeldun, 9 punturekin. Emakumezkoetan, Martxeli Kanflanka izan zen garaile, 2 punturekin.