Azken bi urteetan ospakizunik izan ez bada, «aurten bai, San Joanak izango ditugu Goiz Eguzkin», aipatu dute Goiz Eguzki elkartekoek. Ekainaren 26an, igandean, gimnasia erakustaldia izango da 11:00etan; ondoren, San Joan Torneoko irabazleen sariak banatuko dira eta, gero, gozatzen jarraitzeko, indarrak berreskuratuko dituzte luntx batekin. Hamaiketakoa egin nahi duten bazkideek ekainaren 22a baino lehen jaso beharko dute ekitaldirako txartela, bulegoko ordutegian.