Kiroldegian udarako ikastaroak prestatu dituzte eta uztailekoetan bihar arte izena eman daiteke. Aurten, uztaila eta abuztuan eskainiko dituzte ikastaroak; uztailean, uretakoak, fitnessekoak eta aire librekoak izango dira, eta abuztuan, aldiz, uretakoak besterik ez. Abuzturako izenematea uztailaren 12ra arte luzatuko da. Udal kiroldegiko bulegoan egin beharko da edo online egin daiteke kirola.hernani.eus webgunean.
Uretako ikastaroak, gaztetxo eta helduentzat
Uretako ikastaroak izango dira, hain zuzen, udara osoan zehar egiteko aukera izango direnak. Ikastaroak izango dira hasten ari diren helduentzat, 3 eta 14 urte bitartekoentzat, eta baita haurdunentzat ere. Uztailean, gainera, haurtxoek ere izango dute aukera ikastaroa jasotzeko; ez ordea, abuztuan.
Ordutegiak eta egunak aukeran izango dira, bi aukera inguru, taldeko. Gaztetxoen taldeak osatzen ez badira, taldeak elkartzeko aukera ere izango da, kasu batzuetan.
Fitness aretoetako saioak, goiz eta arratsaldez
Ikasturtean zeharreko fitness ikastaroekin jarraitu nahi duenak ere, izango du aukera, uztailean zehar. Sei aukera izango dira, horretarako: pilatesa, body pumb, barruko bizikleta, multifitnessa eta zumba.
Goiz eta arratsaldez saio bana eskainiko dute; taldea sortzearen menpe egongo dira. Aire libreko ikastaroak izango dira, Ave Maria parkean eta Jolas igerilekuan, 55 urtetik gorakoentzat eta 12 eta 20 urte artekoentzat. Naturan martxan egitasmoa egoera fisiko eta osasun orekari eutsi nahi dion guztiari dago zuzendua.
UZTAILEKO IKASTAROAK
- Hastapenak helduak
- Pilatesa
- 55tik gorakoak. Naturan martxan jarri
ABUZTUKO IKASTAROAK
- Hastapenak helduak IZENEMATEAK:-Uztaileko ikastaroak: Bihar arte. Zozketa asteartean 08:00etan. Zerrendak, asteazkenean 14:00etan. -Abuztuko ikastaroak: uztailaren 12ra arte. Zozketa uztailaren 13an, 08:00etan. Zerrendak, uztailaren 14an, 14:00etan. |