Azkeneko bi asteburuetan, Euskadiko Txapelketetan parte hartu dute Hernaniko gimnastek. Eta emaitza nabarmen batzuk lortu dituzte hainbat gimnastak. Besteak beste, senior B mailan, June Clemente Euskadiko hirugarrena izan zen xingolarekin eta sailkapen orokorrean. Honela, datorren urtean senior A mailan ariko da. Kadete B mailan, berriz, Jone Aguilar bosgarren izan zen, mazoekin. Senior A mailan, Ainara Rueda bosgarren sailkatu zen uztaiarekin. Eta Nerea Echarrik seigarren postua lortu zuen, senior B mailan, uztaiarekin.
Orokorrean kadete eta senior taldeek egindako lana txalotu dute entrenatzaileek: «oso pozik gaude, egin duten denboraldiarekin». Eta denboraldiari amaiera emateko, ekainaren 19an, ikasturte amaierako erakustaldia eskainiko dute kiroldegian.