Dagoeneko zehaztu dute 22. Azeri Bila lasterketaren eguna: ekainaren 18a. San Joanen atarian, herriko jaien egitarauen barruan antolatu du lasterketa C.D. Hernaniko atletismo sailak.
Zabalik dago izena emateko epea. Inskripzioa egin daiteke www.rockthesport.com edo www.kronoak.com webguneetan, 8 euro ordainduta.
Helduen kategoriako lasterketa 18:30etan hasiko da, eta korrikalariek 8 kilometroko ibilbidea osatuko beharko dute. Aurretik, ibilbide laburragoetan, gaztetxoenek izango dute parte hartzeko aukera.