Apirilaren 25ean hasi zen Tilos 7 Pasa Pala Txapelketa, 67 bikote eta lau kategoriarekin: lehenengo maila, neskena, bigarren maila eta herrikoia. Ordutik, makina bat partidu jokatu dira, eta giro bikaina izan da torneoan. Hilabete pasatxo ondoren, Hernaniko pala txapelketa herrikoienak aste honetan hasi du azken txanpa.
Atzotik hasita, hain zuzen, datozen egunetan jokatuko dira bigarren mailako final zortzirenak, eta kategoria herrikoiko zein lehenengo mailako final laurdenak. Nesketan, multzo bakarra izan da lau bikoterekin, eta sailkapenaren arabera jokatuko dituzte semifinalak, datorren astean: aurrenekoak laugarrenaren kontra, eta bigarrenak hirugarrenaren kontra. Kasu honetan, hauexek izango dira norgehiagokak: Antsotegik eta Urienek indarrak neurtuko dituzte Aizpea eta Edurneren aurka; Anek eta Enarak, berriz, Leire eta Itziar izango dituzte aurrez aurre.
Kanporaketak, partidu bakarrera
Azken fase honetako kanporaketa guztiak partidu bakarrera jokatuko dira. Emaitza guztiak ezagutzean, datorren astean jokatuko dira bigarren mailako final laurdenak, kategoria guztietako finalerdi guztiak, eta baita txapelketako final haundiak ere. Hilaren 18an, larunbatarekin, ezagutuko dira maila bakoitzeko txapeldunak, 10:00etan hasita.
ASTE HONETAKO PARTIDUAK
GAUR
17:45 Agirre-Manterola/Lizeaga-Gurutzeaga
18:30 Josu-Galarza/ Ganix-Exkerra
19:15 Bittor-Markel/ Arregi-Urreaga
20:00 Xiker-Aritz/ Murgiondo-Lujanbio
BIHAR
17:45 Ramos-Zubimendi/Berho-Gamio
18:30 Iriarte-Navarro/ Elejalde-San Miguel
19:15 Esoain-Lertxundi/Etxebeste-Etxebeste
ETZI
17:45 Loidi-Luixa/ Inda-Arizmendi
18:30 Arandia-Alkorta/Kerejeta-Garzia
19:15 Iñigo-Xenki/ Goia-Zurutuza