Ekainean sartzearekin batera, asteburu honetan ospatuko dira Mendekoste Jaiak, Florida-Etxeberrin, bailarako festei hasiera emateko. Etzi, ostiralean botako dute txupinazoa, eta helduen danborradarekin agurtuko dute festen lehenengo eguna.
Larunbaterako, egun osoko egitaraua prestatu dute. Egun potoloa izango da goizetik gauera arte. Eta, igandean, berriz, eguerdira arte izango da zeregina. Urtero bezalaxe, adin tarte guztietako auzotarrentzat prestatu dituzte ekintzak, eta makina bat jarduerekin, denetarik egiteko aukera edukiko dute bertaratzen direnek.
Azken urteetako egoera ikusita, gogotsu dabiltza hernaniarrak, festarako prest. Izan ere, joan den urteetan, koronabirusa zela eta, ezinezkoa izan zen ospakizuna egitea edo, behintzat, betiko moduan jaiak antolatzea.
Hori horrela, aurten indartsu eta emozioz beteta ekingo diete Mendekoste Jaiei, eta asteburu borobila ospatzeko ilusioz daudela ziurtatu dute auzotarrek eta antolatzaileek.
MENDEKOSTE JAIAK 2022 EGITARAUA |
ETZI, ostirala 23:00 Jaien hasierako txupinazoa eta helduen LARUNBATA 11:00 Haurren danborrada 11:00 Jubilatuentzako jolas ezagunak eta 'lunch'-a 13:00 Patata-tortila txapelketa 14:00 Paella jatea herrikoia Etxeberriko pilotalekuan 16:00 Oztopo zirkuituak. Antolatzailea: Denontzat 16:00 Mus txapelketa. Antolatzailea: 17:30 Apar festa 18:00 Haurrentzako txokolate-jatea 18:30 Txoborro magoaren ekitaldia Etxeberriko pilotalekuan 19:30 Bingo herrikoia 20:30 Disko festa 21:30 Afari herrikoia pilotalekuan 23:00 Zezen suzkoa 23:00 Disko festa IGANDEA 11:00 Meza nagusia hildakoen omenez 11:00 Adin guztietarako jolas ezagunak 12:00 Sagardo dastaketa 14:30 Jaien amaiera |