Hiru partidurekin hasiko du astea Tilos 7 Pasa txapelketak. Gaurko lehenengo partidua eta bigarrena txapelketa herrikoikoak izango dira, eta hirugarren partidua, berriz, bigarren mailakoena. Arratsaldeko 17:45etan, Lekuk eta Ivanek, indarrak neurtu beharko dituzte Eneko eta Jokinen aurka; jarraian, arratsaldeko 18:30ak aldera, Lujanbiok eta Zabalegik, Domin eta Lejardiren aurka jokatu beharko dute. Eta azkenik, bigarren mailan ariko dira, Xiker eta Aritz, Mendizabal eta Artetxeren aurka, 19:15etan hasita.
Bihar, lehenengo partidua neskek jokatuko dute, arratsaldeko 17:45etan emango zaio hasiera partiduari: Ane eta Enara, Leireren eta Itziarren aurka ariko dira. Jarraian, bigarren mailakoek hartuko dute lekukoa, arratsaldeko 19:15ak aldera: Luixak eta Belokik, Etxebeste bikotearen aurka jokatuko dute.
Etzi, Murgiondok eta Lujanbiok, Oiaga eta Zubeldia izango dituzte aurrez-aurre, bigarren mailan. Eta amaitu ostean, Xikerrek eta Aritzek, Letamendiaren eta Etxeberriaren aurka jokatuko dute.
Ligaxka amaiera, eta datorren astean kanporaketak
Aste honetan amaituko da Tilos 7 Pasa txapelketako ligaxka, eta datorren astean kanporaketei ekingo diete sailkatutako bikoteek. k