Uda ate joka daukagu, eta dagoeneko Hernaniko Gaztelekuak prest du ekaineko egitaraua, ekintzaz eta irteeraz bete-beteta, hain justu. Ekainari hasiera emateko, eskulan tailerra egingo dute etzi, betiko moduan, arratsaldean. Markoak egingo dituzte sormena lantzeko. Ostiralerako, sukaldaritza tailerra prestatu dute, eta bertan, mini pizzak egingo dituzte. Horrez gain, asteburu honetan, Gazte parte ekimenarekin jarraituko dute: «Gaztelekuan gazteen parte hartzea sustatzeko».
Ekainaren 7an, ponpoiak egiteko tailerra eskainiko da Gaztelekuan, eta ekainaren 9an, berriz, tentsioa askatzeko bolak egingo dituzte. Hurrengo egunean, dantzatzeko parada ederra izango dute gazteek, Just Danceekin. Boleibolean ere jokatuko dute, hondartzara txangoa antolatu baitu Gaztelekuak, ekainaren 11n. Halaber, ekainari amaiera emateko ekintza mordoa egingo dira, besteak beste, merienda osasungarria, dardo txapelketa, Zein da zein? jolasa, slackline eta badminton Ave Maria parkean, kurtso amaierako merienda eta su festa.
Amaitzeko, Gaztelekuak aditzera eman du, ekainaren 28tik uztailaren 22ra bitartean, udako egitarau berezia eskainiko duela.
|
GAZTELEKUKO EKAINEKO EGITARAUA HERNANI ETZI Eskulanak: markoak EKAINAK 3 Sukaldaritza: Mini pizzak EKAINAK 4 Gazte parte EKAINAK 7 Eskulanak: ponpoiak EKAINAK 9 Eskulanak: Tentsioa askatzeko bolak EKAINAK 10 Just Dance EKAINAK 11 Irteera: Bolley hondartza EKAINAK 14 Merienda osasungarria EKAINAK 15 Dardo txapelketa Gaztelekuan Ekainak 17 Nor da nor? jolasa EKAINAK 18 Slackline eta badminton Ave Maria parkean EKAINAK 21 Kurtso amaierako merienda EKAINAK 22 'Su festa' Ave Maria parkean |