Datorren asteburuan ospatuko dira Osiñagako jaiak, eta gaurkoan, beroketa gisa, Hernaniko Arraun Elkarteko gazteen batel estropada egingo da, Elorrabin, goizeko 11:30etan hasita. Ekainaren 4an eta 5ean ospatuko dira Osiñagako jai ofizialak, eta ekintzez bete-beteta dator egitaraua. Ekainaren 4an, goizeko 10:30etan, bizikleta bira egingo da auzoan zehar, eta ariketa fisikoa egin ostean, hamaiketako eder batez gozatzeko aukera izango dute parte hartzaileek, Harriatsun. Jarraian, txupinazoa eta haur jolasek hartuko dute lekukoa, eta eguerdian, 14:00ak aldera, bazkari baten bueltan bilduko dira. Arratsaldean, ekintza ugari egingo dira, besteak beste, herri kirolak, bertso saioa, sagardo dastaketa, auzoa afaria eta dantzaldia. Larunbataz gain, datorren igandean makina bat jarduera antolatu dira Osiñagan, hala nola, segalariak, bertsolariak, bazkaria, pelota partiduak... k
OSIÑAGAKO JAIAK
2022
HERNANI
GAUR
11:30 Hernaniko Arraun Elkarteko gazteen baten estropada, Elorrabin.
EKAINAK 4
10:30 Bizikleta bira auzoan zehar. Ondoren, hamaiketakoa izango da Harriatsun, parte hartzaileentzat.
14:00 Auzotarren bazkaria.
18:00 Herri kirolak.
Jarraian Bertso saioa
19:30 Sagardo dastaketa
21:30 Auzo afaria, Harriatsun.Euskal Parrilakoek prestatuta.
00:30 Dantzaldia Laiotzekin.
EKAINAK 5
12:00 Segalariak: Julen Gabirondo eta Jon Otegi.
13:00 Bertsolariak: Unai Agirre eta Aitor Mendiluze.
14:00 Bazkari herrikoia
18:00 Pelota partidua. Lehenengo gazteak eta ondoren nagusien arteko partiduak.
Ondoren Bertsolariak: Unai Agirre eta Aitor Mendiluze.