Bi urteko etenaldi baten ostean, Urumea Ikastolak jaialdia ospatuko du gaur, egun osoan zehar. Ekintza mordoa antolatu dituzte goizean eta arratsaldean, ikasturtea agurtzen joateko. Goizeko 10:30etan hasiko da emanaldia, eta txikiak hartuko dute protagonismoa, izan ere, ikasturtean zehar ensaiatutakoa erakutsiko dute. Emanaldietan, seigarren mailako ikasleek, Iñude eta Artzaien pasarte batzuk kontatuko dituzte, eta hauei agurra egingo zaie. Eguerdiko 12:00etan, magoak, txundituta utziko ditu bertaratzen direnak, eta jarraian bazkari baten bueltan bilduko dira denak. Arratsaldean puzgarriak egongo dira, eta karaokearekin, amaitutzat emango da Urumea Ikastolako jaialdia. k
URUMEA IKASTOLAKO JAIALDIA
GAUR
10:30 Emanaldiak
12:00 Magoa
Bazkaria
15:00 Puzgarriak
17:00 Karaokea