Sonakay taldeak zehaztu du, dagoeneko, bere hirugarren diskoaren kaleratze data: ekainaren 8a. Suerte izenburupean, bederatzi kantuz osatutako lana izango da.
Motorrak berotzeko asmotan, David Bowie-ren Heroes abestiaren single-a aurkeztu du taldeak, Heroiak, euskera eta bertso flamenkoarekin. Harkaitz Canok egin ditu moldaketa lanak, eta, aurreratu dutenez, datorren hilabetean kaleratuko den diskoak horrelako tankerako beste piezaren bat ere izango du; besteak beste, Luis Eduardo Auteren Al Alba kantuaren bertsioa.