Bi urte luzeko geldialdiaren ondoren, C.D. Hernaniko atletismo sailak, herriko jaien egitarauaren barruan, ekainaren 18an arratsaldeko 18:30etan hasita Azeri Bila herri lasterketaren 22. edizioa antolatuko du berriro. Parte hartu nahi duen orok 8 euroren trukean izena eman dezake www.rockthesport.com edo www.kronoak.com web-guneetan.
Lasterketa lau kilometroko zirkuitu bati bi itzuli ematean datza, Urbieta kalean hasi eta helmuga izango duen 8 kilometroko distantzia osatuz.
Zenbait berrikuntza
Zenbait berrikuntza eta aldaketa prestatzen ari dira antolatzaileak eta asmoa da dena borobilduta dutenean ezagutzera ematea.