Maiatza ezin hobe amaitzeko, Pausoka Eguna ospatuko dute bihar, Atsegindegin. Elkartearen 10. urteurrenarekin batera, egun osoko festa antolatu du Pausokak, eta egiteko mordoa izango da. Helburu nagusia da, aurreratu dutenez, «ezagutaraztea aniztasun funtzionala duten haurren familien errealitatea, eta baita Pausoka Elkarteak eremu honetan egiten duen lana ere».
Goizetik hasita arratsaldera arte egongo da zeregina. 10:30etan, hasiera ekitaldia izango da Biterin. Ondoren, 11:00etan, hasiera emango diote Pausoka Ezagutu tailerrari. Bazkaldu aurretik, Marsel magoa igoko da oholtza gainera eta, jarraian, paella jatea izango dute. Gero, arratsaldean, izango dira puzgarriak, Txiki Dantz Asier Burguete DJarekin, tonbola solidarioa eta, festari amaiera borobila emateko, Porrotxekin festa izango da.
PAUSOKA EGUNA
HERNANI - Atsegindegin
BIHAR
10:30 Hasiera ekitaldia
11:00 'Pausoka Ezagutu' tailerra terapeutekin, eta eskulanak
13:00 Marsel magoaren emanaldia
14:00 Herri bazkaria: paella jatea
14:30 Puzgarriak
17:30 Txiki dantz, DJ Asier Burgueterekin
18:30 Tonbola solidarioa
19:00 Festa Porrotxekin