Bi hernaniarren eskutik, kalean da, dagoeneko, Pistolera nobela. Urki Ruizolak idatzi du eta azala, berriz, Alai Zubimendik sortua da. Gaztelaniaz idatzita dago, eta, aipatu dutenez, «akzioz betetako nobela da, abiadura zorabiagarrian irakurtzen dena».
Autoreen esanetan, kontakizuna western bat da, eta mendeku istorioa du oinarrian. «Protagonista erabaki bat hartu beharrean aurkitzen da; iragana ahaztu edo bere etorkizunari aurre egin eta bere aita mendekatu», aurreratu dute.