Eraikina ia suntsituta utzi zuen sutetik bost hilabete betetzear direnean, bihar hasiko dituzte eraisketa lanak, Florida auzoko 108an. Gabon Gauean izan zen sutea bertan, abenduaren 24ko gauean; eta eraikinaren egitura oso kaltetuta geratu zen. Hala adierazi zuten adituek, sutearen ondorengo txostenean. Hori horrela, eta segurtasuna bermatzerik ez zegoenez, eraistea gomendatu zuten.
Floridako tunela, itxita
Eraikina botatzeko lanek hiru eguneko iraupena izango dute, aurreikusi dutenez; eta bitartean, itxita egongo da Floridako trenbide azpiko tunela. Gainera, herritarrei aholkatu diete kale horretatik ez pasatzea, lanek irauten duten bitartean, arriskutsua izan daitekeelako.