Bi urtez San Joanetan danbor hotsik gabe egon ondoren, bueltan izango da Santa Barbara elkarteko danborrada aurten, «jaiak ospatzeko eta herriko kaleak alaitzeko». Haurrak zein helduak aterako dira, eta parte hartzera animatu dituzte denak.
Horretarako entsaioak ekainaren 1ean hasiko dituzte, elkartean bertan, eta zortzi egun jarri dituzte: ekainak 1, 2, 7, 8, 9, 14, 15 eta 16. Egun berean entsaiatuko dute haurrek eta helduek: haurrek lehenik, 19:00etan; eta helduek ondoren, 20:00etan.
Parte hartzeko, entsaio egunetan eman daiteke izena, elkartean bertan, aurreneko entsaiotik aurrera.