Azoka antolatu zuten, joan den larunbatean, Hernaniko Gizarte Berrikuntzako LHIIko irakasleek eta ikasleek. Jende mordoa bertaratu zen Txantxangorri elkartearen parera, eta ikasleek egindako lanak ikusteaz gain, hainbat tresna erabiltzeko aukera ere izan zuten. Aurten, gainera, berrikuntza ugari aurkeztu ditu Lanbide Heziketak, eta, hori ez ezik, bestelako ekintza bereziak ere egin dituzte, eta horien guztien berri eman zuten azokan.