Otsueneko Simon Etxeberria Ximon 2020 urtean hil zen eta igandean, Osiñagako Auzo Elkarteak antolatuta, auzotarrek agurtu zuten omenaldi bero batekin. Bertso bazkaria antolatu zen, Millan Telleria eta Sebastian Lizaso bertsolariekin, eta 80 bat lagun bildu ziren bertan. Giro ezin hobean mahaien inguruan elkartutako denek izan zuten Ximon oroimenean. Ximonen pasadizoak, alaitasuna eta laguntasuna goraipatu ziren bertan eta bazkari ederraz gozatu zuten hurbildutakoek.