Urteroko zitari eutsiz, eskalada ikastaroa antolatu du Mendiriz Mendik. Maiatzaren 14an eta 15ean izango da, eta, aurreratu dutenez, izena ematen dutenen profilaren arabera erabakiko da zehazki zer landuko den: «alegia, hastapenekoa edo ikastaro aurreratua izango den, kirol eskalada edo mendiko eskalada jorratuko den, eta abar». Horrez gain, eskaladarako bilguneen tailerra ere antolatu dute etzirako, atal teorikoarekin eta praktikoarekin. Arratsaldeko 19:30etan hasiko da, Mendiriz Mendiren egoitzan. Hauexek dira izena emateko bideak: 943 33 27 45 telefono zenbakira deituta, mendirizmendi@gmail.com helbidera idatzita, edo, egoitzara bertaratuta.