Langileen Nazioarteko Eguna da bihar, maiatzaren lehena. Eta horren harira, elkarretaratzeak antolatu dituzte Hernanin. Ernaik eta LABek, esaterako, 19:00etan jarri dute hitzordua Plazan, manifestazioa egiteko, Egin dezagun posible eta Zaintza lanak/enplegua/ondasunak banatu! leloekin. Parte hartzeko deia luzatu diete gazte guztiei: «gure bizitzekin ez dute jolastuko, izan gaitezen gure bizitzen jabe!».
Buruntzaldeko Kontseilu Sozialistak, berriz, ordubete lehenago jarri du zita, 18:00etan Plazan, eskualde mailako mobilizazioa egiteko, Kapitalismoaren krisi garaian sozialismoa eraikitzen lelopean.