LAB sindikatuak deituta, elkarretaratzeak eta mobilizazioak hasi dituzte Hernaniko etxez etxeko laguntza zerbitzuan ari diren Euleneko langileek. Bi kontzentrazio egingo dituzte gaurkoan: eguerdiko 14:00etan bilduko dira udaletxe aurrean, eta arratsaldeko 16:30etan, berriz, DYAren aurrean.
Etxez etxeko zerbitzuko langileek ozen aipatu dute egunero ari direla borrokatzen prekarietatearen aurka: «ez dugu limosnarik nahi, KPIa lotuta izango duen gutxieneko hitzarmena nahi dugu. Lanaldi egonkorrik ez daukagu, eta oro har, kontratuan aurreikusita dauzkagun lanaldiak ez dira bermatzen». Arrazoi gehiago medio, gaur bi elkarretaratze egingo dituzte eta elkartasuna behar dutela azpimarratu dute: «zaintza denon ardura baita».
LAB sindikatuak deituta, mobilizazioak
LAB sindikatuak argi adierazi du etxez etxeko laguntza zerbitzua beste gizarte zerbitzu asko bezala, publikoa izan arren azpikontrata bidez kudeatzen dela: «eta langileen lan baldintzak hobetzeko saiakeran zailtasun haundiak izaten dituzte». k