Hernaniko Jubenil Nazional mailako taldeak garaipen garrantzitsua lortu zuen igandean Gernikan. 0-1 amaitu zen norgehiagoka hernaniarren alde eta horrek azkenaurreko postua sei puntura urrundu du. Ez hori bakarrik, Hernani 15garren dago sailkatuta, 27 punturekin, hamazazpi taldeko ligan eta orain Beasain, 14garrena, puntu bakarrera du. 13garrena eta 12garrena hiru puntura daude denboraldia amaitzeko lau jardunaldiren faltan. Salbazioa posible da denboraldian zehar asko sufritu eta gero. Jonanen sartu zuen Hernaniren gola eta hurrengo urtean Nazional mailan jarraitzeko urrats beharrezko eman zuen Hernanik.
Ohorezko erregionalean 2-1 galdu zuen Hernanik
Partidu zaila zuen aurretik Hernanik Elgoibarren. Elgoibar bigarren dago sailkatua Ohorezko Erregional mailan eta erakutsi zuen aurten Hernaniren gainetik dagoela. 2-1 irabazi zuten partidua eta hernaniarrak seigarren mantentzen dira Liga lau jardunaldiren faltan. Hernaniarrek seigarren postu hori borrokatu beharko dute Bergara eta Zarautzekin