Apirilaren 2an eskaini zuten Bazen behin... duela 50+2 urte... Langile izeneko antzezlana, Langile ikastolaren 50garren urteurrenaren harira. Bi saiotan eskaini zuten orduan, eta hirugarrenez emango dute gaur, arratsaldeko 19:30etan hasita, Biterin. Izan ere, hainbat herritarrek egin zieten eskaera, aurreneko bi emanaldietara joaterik izan ez zutelako.
Hirugarren emanaldi hau, gainera, doakoa izango da, eta ez da gonbidapenik eskuratu beharko, aldez aurretik. Aforoa bete arte sartu ahal izango dira ikusleak. Herritar guztiei luzatu diete gonbitea, bertaratzeko: «animatu etortzera, gozatuko duzue eta!».