Duela bi urte hil zen Simon Etxeberria hernaniarra, Otsua-enea sagardotegiko arduraduna. Eta «galdu genuen lagunaren omenez», bertso bazkaria antolatu du Osiñagako Auzo Elkarteak, maiatzaren 8rako, igandearekin. Otsua-enean bertan izango da, eguerdiko 14:00etan hasita; eta bi bertsolari ariko dira bazkaria girotzen: Sebastian Lizaso eta Millan Telleria.
45 eurokoa izango da bazkariaren prezioa, kafea eta kopa barne; eta bertan egon nahi dutenek, aldez aurretik eman beharko dute izena, apirilaren 30era arte. Horretarako, telefonoz deitu behar dute, zenbaki honetara: 649 493 920.