Zabalik dago udaberriko oporretan nerabeei zuzendutako ekintzetan izena emateko epea. Batetik, bi saiotan, apirilaren 19an eta 21ean, muralgintza landuko dute gorputzarekin sortutako irudiekin. 12 eta 17 urte bitartekoentzako tailerra da eta bihar da izena emateko azken eguna (https://labur.eus/muraltailerra). Bestetik, bihar Cost Jump-era irteera egingo du Gaztelekuak; apirilaren 21ean, berriz, Bubble balls ekintza izango dute; azkenik, hilaren 24an, Txuri Urdinera joango dira patinatzera.