Udaberriko egitarau oparoa prestatu du Hernaniko Gaztelekuak. Honela herriko gazteek haien aisia modu paregabean pasatzeko aukera izango dute. Dagoeneko pasa den asteburuan eman zitzaion hasiera apirileko egitarauari, eta gaurkoan, jarraipena izango du, arratsalderako antolatu den merienda osasungarriarekin. Etzirako, Sex-kuntza tailerrean hainbat aholkuz bustitzeko aukera izango dute herriko gazteek. Eta asteburu honetarako ere, bi ekintza prestatu dituzte: autodefentsa eta maskulinitate tailerrak larunbatean, eta igandean, berriz, Korrikarekin bat egingo du Gaztelekuak.
Datorren asteari hasiera emateko eta astelehena indartsu hasteko, sukaldaritza tailerra antolatu da. Horrez gain, Costa Jumpera irteera ere egingo dute apirilaren 12an, eta Tote-bag poltsa tailerrean, sormena lantzeko aukera paregabea izango dute gazteek.
Aste Santuan, atsedenaldia hartuko du Gaztelekuak, eta ondorioz itxita egongo da apirilaren 14tik 19ra.
Aste Santuko bigarren astean, ekintza mordoa
Aste Santuan atsedenaldia egin ostean, motorrak berotuta itzuliko da Gaztelekua, eta irteera mordoa antolatu dituzte. Apirilaren 20rako, Tie-Dye tailerrean parte hartzeko aukera izango dute gazteek. Hurrengo egunean, Bubble ballsera irteera egingo dute. Apirilaren 22rako, Badminton musikatuan ederki pasatzeko parada ere izango dute herriko gazteek, eta apirilaren 23an eta 24an bi ekintza egingo dira: larunbatean hondartzara eta igandean txuri-urdinera. Amaitzeko, hileko azken asteari kolorea emango diote marrazki lehiaketak eta sari banaketak, meriendarekin batera.
Halaber, Gaztelekuak aditzera eman du, ekintza batzuetan aldez aurretik izena eman behar dela, Gaztelekuan bertan, 5 euroko fidantzarekin.
EGITARAUA
GAUR
Merienda osasungarria
ETZI
Sex-kuntza
Apirilak 9
Autodefentsa eta maskulinitate tailerrrak
Apirilak 10
Korrika
Apirilak 11
Sukaldaritza, Gaztelekuan
Apirilak 12
Costa Jumpera irteera
Apirilak 13
Tote-bag poltsa tailerra
Apirilak 14, 15, 16, 17, 18 eta 19
Itxita
Apirilak 20
Tie-dye tailerra Gaztelekuan
Apirilak 21
Bubble ballsera irteera*
Apirilak 22
Badminton musikatua Ave Marian*
Apirilak 23
Hondartzara irteera *
Apirilak 24
Txuri urdinera irteera*
Apirilak 26, 27 eta 28
‘ Nola sentitzen zara..?’ Marrazki Lehiaketa
Apirilak 29
Sari banaketa eta merienda