Hernaniko Ernaiko kideek gazte independentistentzako gune bat eskaintzeko, gazte martxa eta jaialdi musikala uztartuko dituen ekimen bat daukate esku-artean: BostEH!un eta zutik. Apirilaren 14ean abiatuko dira Zugarramurditik eta Erratzun egingo dute lehenengo geldialdia, hurrengo egunean Elizondora heltzeko.
Apirilaren 17an amaituko da BostEH!un eta zutik ekimena, Aberri Egunarekin batera. Eta bertan, aisialdi eskaintza ezberdinak eskainiko dira, hala nola, hitzaldiak, tailerrak, solasaldiak...
Horregatik, Hernaniko Ernaiko kideak autobus bat antolatzen ari dira: apirilaren 14ean, Hernanitik Zugarramurdira joateko; eta apirilaren 17an, Elizondotik Iruñeara joango da autobusa, manifestazioarekin bat egiteko. Amaitu ostean, Iruñeatik Hernanira etorriko da.
Autobusean izena emateko zerrenda Garin Herriko Tabernan egongo da, apirilaren 8ra arte. Ernaiko kideek animatzeko deia luzatu diete herritarrei: «badago borrokatzeko grina duen gazteria eta badagoelako herri bat eta gazteria bat zutik jarraitzen duena».