Beterri-Buruntza eskualdean zaintza arloaren egoeraren azterketa bat dute jardunaldi hauek abiapuntu. Eta Lertxundi alkatearen arabera, duela lau bat urte egin zen azterketa hori eta «diagnostiko horren gainerako hausnarketa egin eta eztabaida sortzea zen asmoa. Erakunde publikoen aldetik ere garrantzi gehiago eman zaio arlo horri». Aipatutako azterketa hartan, zaintza berrantolatzeko premia zegoela ikusi zen, zaintza-krisi batean gaudela antzeman zuten. Besteak beste, honako ondorioak atera ziren: lanak gutxietsita daudela, eta arlo erabat feminizatua eta merkantilizatua dela. Horregatik, aipatzen da lan baldintzak hobetzeko eta zaintzaren antolaketa eta ardura banaketa aldatzeko bidea hartuz, jardunaldiak antolatu dituzte, gaur eta bihar.
|
EGITARAUA HERNANI GAUR 17:00 Harrera 17:30 Zaintza lanak. Zertaz ari gara? Naia Torrealdai (Euskal Herriko Bilgune Feminista) 18:30 Zaintza lanen demokratizaziorantz: Beterri-Buruntzako zaintza erregimenaren diagnostikoa eta ekintzarako proposamena 2020 lanaren aurkezpena. Emagin elkartearen eskutik. 19:30 Zertan aurreratu dugu? Maitelan, Auzozaintza eta Tratu Onen Herria BIHAR 10:00 Mahai-ingurua: Ana De Palau i Rivoira (Radars proiektua). Roser Casanocas( Colec.tiu Punt6). Liz Quintana eta Txefi Roco (Trabajadoras No Domesticas). Maider Azurmendi (Matia Fundazioa). 12:30 Eztabaida. Zer aldatu nahi dugu Hernanin? Zeinen artean egin behar dugu hori? Nola? Galderak erantzungo dira, elkarrekin. |