Xabier Lete zenaren oroimenez, Hesia urraturik izeneko disko-liburua osatu du Joxan Goikoetxea musikari hernaniarrak; eta Donostian aurkeztuko du bihar: Santa Teresa konbentuan (Alde Zaharrean, Santa Maria Basilikaren atzean) izango da, arratsaldeko 18:00etan hasita.
Emanaldian, Joxan Goikoetxearekin batera, parte hartuko dute Beñat Egiarte tenorrak, Klara Mendizabal sopranoak eta Landarbaso abesbatzak.
Sarrera doakoa izango da, baina joateko asmoa dutenei, jakinaraztea eskertuko diete, aforo mugatua kontrolatu ahal izateko. Horretarako, idatzi aztarna@aztarna.com helbide elektronikora, edo deitu 656 785 767 telefonora.
Diskoa ez ezik, DVDa eta 160 orrialdeko liburua ere biltzen ditu Hesia urraturik lanak, eta dagoeneko salgai dago, Elkar argitaletxearen dendetan eta webgunean, 28,95 euroan.