Tratu Onen Herria proiektuaren barruan, kanpaina bat jarri du martxan Hernaniko Udaleko Berdintasun Sailak, esker onen sarea osatzeko. Eta horretarako, kalean egongo dira, bihartik larunbatera: bihar azokan, 10:30etatik 13:00etara; etzi Ereñotzuko plazan, 16:30etatik 18:30etara; eta larunbatean Plaza Berrin, 10:30etatik 13:00etara. Honako galdera luzatu dute: «Zein herritarri eman nahiko zenizkioke eskerrak?».