Benetan berezi zein hunkigarria izan zen atzoko eguna, Zikuñagako auzotarrentzat. Atzo Zikuñagako Ama ermita inauguratu zuten, 35 urteren ondoren berreraiki dutena. Eguraldi ederrarekin, prozesioan eraman zuten Zikuñagako Ama Birjinaren irudia ermitara, eta eskaintza ugari egin zizkioten Zikuñagako Amari, besteak beste, loreak, kantuak... Egun eguzkitsuarekin batera, amaiera paregabea eman zioten inaugurazioari erromeri baten bueltan, trikitilarien doinuak lagun izanik.