Hernanin jokatuko da mutil jubenilen Euskadiko Txapelketa, gaur bertan. Kiroldegian izango da, goizeko 10:00etan hasita, egun osoan zehar. Bost talde ariko dira lehian: Hernani, Sestao, Jatorkide eta Bera Berako bi talde.
Final laurdenetan ekingo diote, eta bi partidu izango dira, 10:00etan hasita: Bera Bera 1, Jatorkideren kontra; eta Hernani, Bera Bera 2ren kontra. Bi irabazleak zuzenean sailkatuko dira semifinaletara; eta bi galtzaileek, bigarren aukera bat izango dute: elkarren kontra jokatuko dute, 11:30etan, semifinaletako azkeneko txartela lortzeko.
Hain justu, semifinaletan ekingo dio lehiari Sestaok, laukotea osatzeko. Eguerdiko 13:30etan izango dira bi semifinalak. Eta Euskadiko Txapelketako azkeneko bi partiduak, arratsaldean jokatuko dira, 16:30etan hasita: txapeldun izateko lehia, eta hirugarren postua lortzekoa.