Martxoko agendaren barruan, tailer berezia antolatu du Chillida Lekuk hilabete honetarako. Zehazki, grabitazio tailerra izango da, eta helduentzako bideratu dute. Sarrerak salgai daude www.museochillidaleku.com webgunean. Museoko abonatuek 16 euro ordaindu beharko dituzte eta gainerakoek, berriz, 20 euro.
Eduardo Chillida, erdigunean
Saioa gidatuko du Carmiña Dovale arkitektoak, irakasleak eta Eduardo Chillidaren lanetan adituak. «Grabitazioen unibertsoan sartuko gara», aurreratu dute. Hain zuzen, Grabitazioak Chillidak 1980ko hamarkadan paperean egindako lan sorta da, eta horren bueltan arituko dira. «Ez dira marrazkiak edo collageak, paper gaineko erliebeak baizik», nabarmendu dute antolatzaileek tailerraren atarian.