Martxoaren 26an, Pituri laguntzeko Elkartasun Pelota Jaialdia antolatu da. Ateak lauretan irekiko dira eta Hernaniko frontoi barruan barra egongo da. 17:30etan ekingo zaie partiduei. Hasteko, emakumeen partiduarekin girotuko da jaialdia. Irazustabarrenak eta Arrietak, indarrak neurtuko dituzte Galdos eta Huiziren aurka, paleta larruz. Eta ondoren, gizonezkoen txanda izango da, eskuz: aurrez aurre izango dira Bengoetxea VIa eta Goñi II profesional ohiak, eta Ojuel eta Lizeaga hernaniarrak.