Udaberri Txapelketan jokatuko dituzte aste honetako partidu garrantzitsuenak, esku pelotari hernaniarrak. Izan ere, torneoaren semifinaletan dira, jubenil mailako bi bikote.
Gaur bertan, Unax Manterolak eta Unai Etxarrik jokatuko dute, Zazpi Iturriko Gorostidiren eta Plazaolaren kontra. Hernanin ariko dira, iluntzeko 20:00etan hasita; eta partidu berdindua espero da.
Bihar, berriz, Julen Deskargak eta Oier Alegriak dauka hitzordua, Aretxabaletan. Goizeko 11:30etan jokatuko dute semifinala, eta Aretxabaletako Barandiaran eta Lazpiur izango dituzte aurrean. Sailkapen fasean ere aritu ziren elkarren kontra, eta orduan, aretxabaletarrak nagusitu ziren. Errebantxa bilatuko dute hernaniarrek biharkoan, finalera sailkatzeko.