Hernaniko Liburutegiak bat egiten du Intujai Teatroak antolatzen duen XV. Ahozkotasunaren Nazioarteko jaialdiarekin eta ostiralean jatorri desberdinetako narratzaileek publiko ezberdinei zuzendutako istorioak kontatuko dituzte, Biterin, 18:00etan hasita.
Ahozkotasunaren gala nagusi honetan bost kontalarik hartuko dute parte: Iñaki Carretero (EH), Tarana Karim (Azerbaijan), Maider Alcelay (EH), Nicolas Buenaventura (Kolonbia) eta May Gorostiaga (EH).
Hirugarren geldialdia da Hernanin. Ahozkotasunaren Nazioarteko Jaialdia guztira, 13 udalerrietara helduko den ekimena izango da, eta Hernaniko Udal Liburutegiak bat egin du proiektuarekin. Hainbat jatorritako narratzaileak izango dira Hernanin, mota guztietako publikoei zuzendutako istorioak kontatzeko.
Martxoaren 21ean izango da azken geldialdia, eta Kattalin Sallaberryak eta Jokin Irungarayek eskainiko dute. Umeentzako saioa izango da, Antziola auzoko libgunean, 17:30etan hasita.