Gaur, Don’t be Dummy bide-hezkuntza programa bertako gazteen aurrean aurkeztuko da Biterin kultur etxean. Saioa bikoitza izango da. Goizeko 10:30ean hasiko da lehen saioa, eta 12:00etan, berriz, bigarrena. Ordubete inguruko iraupena izango du ekitaldietako bakoitzak, eta euskaraz izango dira bi saioak. Hernaniko institutuko zein Hernaniko lanbide eskolako 200 ikasletik gora bertaratuko dira.