Gaur da azkeneko eguna, ikasle berrientzat, datorren hiruhilabeterako igerilekuko ikastaro eskaintzan izena emateko. Ikasle ohiek, berriz, asteazkenetik aurrera egin ahal izango dute, hilaren 20ra arte. Hainbat talde izango dira: hastapena, hastapena 65 urtetik gorakoentzat eta, adinka, 3, 4, 5 eta 6 urtekoentzat. Pertsona bakoitzak eskaera bakarra egin ahal izango du. Interesa dutenek, hauxe dute izena emateko bidea: kiroldegiko bulegoan, aurretik hitzordua hartuta 943 55 21 85 telefono zenbakian; edo, bestela, internetez https://labur.eus/1rCUu estekan