Pasa den asteburuan Neguko Espainiako Masters Igeriketa txapelketa jokatu zen Pontevedran eta bertan hiru hernaniarrek hartu zuten parte: Txaro Tomasenak, Iñigo Goñik eta Iker Garmendiak.
Emaitza onak lortu dituzte eta guztira zazpi domina lortu dituzte. Iñigo Goñik lau lortu zituen guztira, 45-49 adin tartean, eta Tomasenak, hiru 75-79 mailan. Goñik bi zilar eta bi brontze leporatu zituen eta Tomasenak urre bat eta bi zilar.
Iñigo Goñik zilarrak lortu zituen 200 libreetan (2:08.90) eta 100 bizkarren (1:03.98) eta brontzeak 400 libre (4:33) eta 50 bizkarren (30.00). Txaro Tomasena Espainiako txapeldun izan da 50 libreetan (59.56) eta azpitxapeldun 200 libreetan (4:43.51) eta 100 bular estiloan (2:48.90). Iker Garmendiak 25garren amaitu zuen 100 estiloetan (1:20.57) eta 200 libreetan (2:32.54) eta 21garren 50 libreetan (29:78).