Asteburu honetan Hernaniko eta Mundarroko mutilen talde nagusiek etxean jokatuko dute. Gaur berdeek, Allerruren aurka neurtu beharko dituzte indarrak, 16:30etan hasita, Zubipen. Irabazteko partidua izango da, kontutan hartuta, Allerru azken aurreneko postuan doala. Mutil moreek, berriz, Ikasberriren aurka izango dute norgehiagoka, Zarkumendegin, 16:00etan hasita. Hernaniko neskek, etxean jokatuko dute partidua bihar, 15:30etan hasita. Ez da partidu erraza izango Hernaniko neskentzat, izan ere, Oiartzun izango dute aurkari, sailkapenean liderra.
Mundarroko nesken talde nagusiak, etxetik kanpo jokatuko du gaurkoan. Cesar Beniton, neurtuko dituzte indarrak, Intxaurdi taldearen aurka, 15:30etan hasita. Zazpigarren postuan doa Intxaurdi, eta Mundarrok hirugarren postuari eusten dio. Preferente mailan igoera fasean, berriz, Hernanik zein Mundarrok etxetik kanpo jokatuko dute.