Hernanira ere helduko da aurten, Ahoz Aho ekimena, Ahozkotasunaren Nazioarteko Jaialdia, Intujai Teatroak antolatuta. 13 udalerritara hedatu da jaialdia, eta oraingoan, ekimenarekin bat egin du Hernaniko Udal Liburutegiak. Dagoeneko Hernanin izan du geldialdia, baina etzi, bigarren geldialdia izango du jaialdiak. La Matrioska konpainia txiletarra etorriko da Hernanira. Zikuñaga auzoko Libgunean eskainiko du emanaldia, 17:30etan hasita. Gaztelaniaz izango da, eta familia giroan gozatzeko moduko saioa emango dute.