Ginkgo elkarteak deituta, etzi, Uhin elektromagnetikoen eragina gugan hitzaldia eskainiko da. Hizlariak Aitziber Elortza eta Miren Mendibour izango dira, «uhin mota asko daude eta frekuentzia desberdinak». Horrexegatik, hau guztia ulertzen lagunduko dute hizlariek. Horrez gain, eragin hori nola gutxitu eta zein neurri hartu daitezkeen ere azaldu dute. Arratsaldeko 18:30etan emango zaio hasiera hitzaldiari, eta Biterin eskainiko da.
Hainbat ohar garrantzitsu
Antolatzaileek ohartarazi dute hitzaldian mugikorrak itzalita egon beharko dutela, eta gomendatu dute gorputzean perfumerik ez eramatea. Halaber, etziko hitzaldia amaitu ostean, Ginkgo elkartea bertan egongo da zalantzak argitzeko. Beraz, uhin elektromagnetikoen eraginaz informatu nahi duenak, etzi eskainiko den hitzaldira bertaratzeko aukera du.