Dagoeneko prest dago Gaztelekuko martxoko egitaraua, eta bete-betea dator. Gainera, antolatutako ekintza batzuk Emakumeen Nazioarteko Egunaren harira izango direla jakinarazi dute hezitzaileek. Martxoaren 3an tote bag feministak egingo dira, eta martxoaren 4ean gazteen interesguneak zeintzuk diren aztertuko dira. Larunbaterako, berriz, Hernaniko Gaztelekuak Korrika Kulturalean hartuko du parte. Eta igandean, goxo-goxo, Gaztelekuan Moxie filma proiektatuko dute, arratsaldeko 17:30etatik aurrera.
Martxoak 8
Aipatu moduan, Gaztelekuak Emakumeen Nazioarteko Egunarekin bat egingo du, eta horretarako, txapa eta lema feministak egingo dituzte, manifestaziorako. Hurrengo egunean, kutxak sortzeko aukera izango dute gazteek, eskulan tailerrarekin. Horrez gain, gazteen partehartzea lantzeko asmotan eta Sexkuntza izeneko programaren baitan, txoko berezia sortu dute Gaztelekuan, «nerabeak sexualitatean inguruko informazioa eta baliabideak biltzeko».
Hemen martxoko egitarau osoa:
