Hernaniko Arraun Elkartea azken urteetako emaitzarik onenak ari da lortzen aurtengo denboraldiaren hasiera honetan. Joan den asteburuan ere maila oso altuan, postu oso onak lortu zituzten dituzte ontziek. Nabarmentzekoa da Beñat Odriozolak lortutako Espainiako Txapelketa. Urrezko dominarekin itzuli da etxera arraunlari hernaniarra, Galizian jokatutako Espainiako distantzia luzeko txapelketatik. Egokitutako skiffean 29 minutu eta 34 segundutan osatu zuen jaitsiera eta bi minutuko aldea atera zion bigarren sailkatuari.
'Maialen' hamabigarren, Orioko jaitsieran
Tostako arraunean, traineruak motorrak berotzen ari dira udarari begira, eta horietako bat da Hernaniko nesken Maialen trainerua. 4.000 metroko ibilbidean, Hernanik hamabigarren amaitu zuen, baina postua baino garrantzitsuagoa izan zen aurkariekiko desabantaila.
Hernaniarrek 16 minutu eta 36 segunduko denbora behar izan zuten Orioko estropada amaitzeko.