Gipuzkoako lehenengo mailan, Hernanik etxean jokatu zuen jardunaldi honetako norgehiagoka. Larunbatean izan zuen hitzordua, Donostiako Bosteko Irauliren aurka. Zorteak, ordea, ez zuen hernaniarren alde egin, 57-67 galdu baitzuten partidua.
Lehenengo laurdena orekatua izan zen, 20-21eko markagailuarekin. Hala ere, bigarrenetik aurrera, donostiarrek aurrea hartu, 7-18, eta hor erabaki zen garaipena. Nabarmentzekoa da Hodei Nobleren eta Ander Berrondoren lana, 20 puntu eta 17 lortu baitzituzten, hurrenez hurren.
Mundarroko nesken taldeak, berriz, Goierriren aurka neurtu zituen indarrak. Ostiralean jokatu zuten partidua, etxean, eta 50-78 galdu zuten.