Berriak Hernaniko merkatarien eta ostalarien elkarteak antolatuta, Stock Azokaren bigarren eta azken eguna izango da gaurkoa. Atzoko moduan, gaur ere postuak ikusgai egongo dira Plaza Berrin. Hori bai, azoka goizez izango da soilik, 10:00etan hasi eta eguerdiko 14:00ak arte.
Eskaintza zabala, azokan
Eskaintza zabala aurkeztu dute herriko dendek, eta aukera mordoa dago postu guztietan. Denera, hain zuzen, 10 komertziok parte hartu dute: Dekolanak, Hoki, Laket, Hiru, Valen, Mahuka, Kera, Urrats, Eukene eta Zaletu.
Atzo, goizez zein arratsaldez jarri zituzten postuak. Giro paregabea izan zen Plaza Berrin, herritar mordoa bertaratu baitzen eskaintzak ikustera eta erosketak egitera. Gaurkoan ere, goizeko ordutegian, beren produktuak erakusteko eta saltzeko prest egongo dira dendariak, eta Berriak Elkarteak bertaratzeko deia luzatu die hernaniarrei.