Istripua izan da gaur goizean, 08:30ak aldera, A-15 errepidean, Hernaniko Karabel auzoaren parean. Auto batek eta kamioi batek talka egin dute, eta iraulita geratu da autoa. Hori horrela, harrapatuta geratu da autoko gidaria, eta suhiltzaileek atera behar izan dute bertatik. Zaurituta, Donostiako Ospitalera eraman dute.
Istripuaren eraginez, auto-ilara luzeak daude A-15 errepidean, Donostiatik Andoainerako noranzkoan. Istripua gertatu den gunean, karril bat moztuta dago. Une honetan, bertan daude Ertzaintza, anbulantzia eta suhiltzaileak.